20210623164622
Quality over quantity
Products variety
Quality check
Positive ecology impact

Историја

Почетоците на ДОО Цермат од Битола датираат од 1995 година кога е основана како фирма во приватна сопственост за производство на сладолед. Како современа европска компанија ги следи светските трендови со постојано усовршување во уметноста наречена сладолед. Континуирано воведува нови производи во асортиманот како што се: замрзнато овошје и зеленчук, лиснато тесто, замрзната риба, млечни и кондиторски производи.

Македонска семејна приказна што започна во Битола како семеен бизнис, денес лидер меѓу производителите на сладолед и замрзнати производи во регионот. Уникатни, секогаш достапни, иновативни, креативно-тимски тоа е Цермат препознатливата формула за успех.

Во компанијата владее европскиот дух, современ начин на функционирање и уникатен животен стил. Цермат, чија силна страна е Иновативноста во маестралната изработка на продуктите и посветеноста во извозот на светскиот пазар, своите успеси ги постигнува благодарејќи на тимот што е искрено посветен на постојаниот развој, љубопитноста и храброста при истражувањето и комбинирањето на вкусовите, но и задоволувањето на желбите на потрошувачите.

Флексибилноста во изработката на нови и уникатни форми и вкусови, како и постојаниот високотехнолошки развој се само дел од клучните зборови што ја опишуваат компанијата, која веќе 27 години е во континуиран раст и развој.

ЛОГИСТИКА

Добрата организираност и логистика овозможуваат брза и ефикасна достапност на производите во најкраток временски рок до сите потрошувачи во регионот и во земјите на ЕУ.
 
При креирањето и дефинирањето на финалните производи се поаѓа од желбите и потребите на деловните партнери и крајните потрошувачи. Цермат ги поседува и сертификати за Корпоративна општествена одговорност, како и стандардот ISO 37001:2016.
 
Производството на сладолед за домашните и за светските пазари се одвива во исклучително строго контролирани услови, придржувајќи се кон сите светски регулативи во секој дел од процесот на производство, пакување и транспортирање.

Дистрибутивните можности се целосно покриени преку 40 активни организациони единици за предпродажба и дистрибуција на производи на територијата на Р. Северна Македонија со повеке од 70 комерцијални возила.

ПРОИЗВОДСТВО

Цермат како единствен Македонски производител на сладолед секогаш го става квалитетот на производите на прво место, користејќи најквалитетни суровини од лиценцирани добавувачи кои во комбинација со рецептури припремени со знаење, љубов, креативност и иновативност преку автоматизиран процес на изработка, креираат совршенство на сладолед во секакви форми за сечиј вкус.